Asociación  Bágoas da Terra

Aquelarre na eira das Meigas

Viveiro

bagoasdaterra@gmail.com

www.bagoasdaterra.com

O Aquelarre... A Gran NOITE MEIGA

Imaxes do Aquelarre na eira das Meigas de 2000.

“AQUELARRE NA EIRA DAS MEIGAS”, onde se conxugan as creenzas, ritos e supersticións como a Santa Compaña, e outras supersticións que antaño arraigaban entre algunhas xentes e lugares.

Este espectáculo, que mistura teatro, danza, lenda e tradición, ten un enorme traballo de documentación e escenografía, para o que se parte da súa base fundamentada nos Aquelarres ou reunións nocturnas de bruxos e bruxas, cos seus rituais máxicos, orxías gastronómicas, etc. e que se acostumaban a realizar os sábados a media noite. Dende o seu comenzo se representa unha das innumerables lendas da vila, facendo que a mesma remate confluindo nun vedadeiro Aquelarre.

A representación de esta gran NOITE MEIGA, implica a participación de arredor de 80 persoas, distribuidas nos propios persoaxes (bailarins-actores), equipo de decoración, coordinadores de espectáculo, música, técnicos de son, iluminación, posta en escena, interpretación, etc.

Ao final da representación, tanto o Bruxo, coma os seus axudantes, reparten as queimadas, que durante todo o espectáculo se van facendo en xigantes potes.

A idea de Bágoas da Terra e que este Aquelarre na eira das Meigas quede institucionalizado, e de momento este ano 2008 verá a súa 8ª edición.

ESCONXURO DA QUEIMADA  

(voz Bruxo: José Martínez Blanco, "Pepe do Galicia")

Mouchos, coruxas, sapos e bruxas
demos, trasnos e diaños
espritos das nevoadas veigas
corvos, pintigas e meigas
feitizos das menciñeiras.

Podres cañotas furadas, fogar dos vermes e alimañas

Lume da santa compaña, mal de ollo
negros meigallos, cheiro dos mortos
tronos e raios.

Oubeo do can, pregón da morte
fuciño de satiro e pe do coello
pecadora lingua da mala muller casada cun home vello

Averno de Satán e Belcebú
lume dos cadaveres ardentes
corpos mutilados dos indecentes
peidos dos infernales cus.

Muxido da mar embrabecida
barriga inutil da muller solteira
falar dos gatos que andan a xaneira
guedella porca de cabra mal parida.

Con este fol levantarei as chamas deste lume

que asemella ao do inferno
e fuxiran as bruxas a cabalo das suas escobas
índose bañar á praia de Area e mais de Covas

Oíde, oíde os ruxidos que dan as que non poden deixar

de queimarse na augardente quedando así purificadas.

E cando este brebaxe baixe polas nosas gorxas
quedaremos libres dos males da nosa ialma e de todo
embruxamento.

Forzas do ar, terra, mar e lume
a vos fago esta chamada
si e verdade que tendes mais poder ca humana xente,

aqui e agora
facede que os espiritos dos amigos que están fora
participen con nos desta queimada.

Imaxes do Aquelarre na eira das Meigas de 2006.

(ATRAIS)

Dende hai varios anos e dentro das actividades paralelas e coincidentes ca MOSTRA FOLKLÓRICA INTERNACIONAL, Bágoas da Terra promoveu temas tan interesantes coma o “museo etnográfico” a través de escaparates, a montaxe da danza do Xacobeo, a pasarela de indumentaria tradicional con escenas vivas da nosa Galicia, varias exposicións, algunhas de gran altura e nivel como a de xoiería tradicional, etc. No ano 2.000, e seguindo na súa liña de ampliación, levouse a cabo un espectáculo grandioso,  que se celebra ano tras ano: